Фотогалерея

Марат САФИН (6 ай). Казан.

Һәр кеше үз эшендә. Әни ашарга пешерә, әти тәгәрмәч алыштыра. Ә мин “Акчарлак” укыйм.

Айсылу ФӘЙЗУЛЛИНА. Тукай, Бай Бүләк.

Безнең әби көтеп ала Атнаның һәр җомгасын. Ул көнне безгә килә “Акчарлак” газетасы. Иң беренче булып укый, Калдырмый бер сүзен дә. Тәмле төшләр күрә-күрә Укый ул кәнәфидә. Ярый әле сканвордын Чишә белми әбием. Әти эштән кайтканчы Чишеп куя әние

Әлмәттән РАМИЛӘ (4 яшь) белән РИАЛИНА (6 ай).

Әти-әнием эш кушып китте: “Сеңлеңне кара, өйне җыештыр”, – диделәр. Кулымда “Акчарлак” газетасы булганда, кая инде ул бала карау, өй җыю! Минем укыганны сеңлем дә тыңлап ята түгелме соң?

Чәчкә ГӘРӘЕВА, Азнакай.

Балам алдымда, гәҗит кулымда, Җырлар көйләп укыйбыз. “Акчарлак”та тагын ярыш – Чын күңелдән котлыйбыз! Бәлки әле зур концертка Билетын да отарбыз. Матур итеп бергә барып Күңел ачып кайтырбыз.