Безгә 20 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Укроп йокысызлыкны дәвалый

13 Май 2020 956
Язма "Авырмас өчен 101 киңәш" газетасының архив саннарыннан алынды, № 6 ИЮНЬ 2018
Укропта углеводлар, эфир майлары, флавоноидлар, фитонцидлар, минераль матдәләр (кальций, тимер, калий, фосфор), С, Р, В1, В2, В5, В6, РР витаминнары, каротин (А провитамины) бар.

*Укропның яфракларын һәм сабакларын бәвел кудыра торган чара итеп кан басымы югары булганда һәм йокысызлыктан интеккәндә кулланалар.

*Орлыклары – бавыр һәм ашкайнату әгъзалары сулыш юллары (какырык чыгару өчен) авырулары вакытында файдалы.

*Күзләр авыртканда, тиредә эренле яра барлыкка килгәндә, яфракларыннан “примочка” ясыйлар.

*Укроп төнәтмәсе эч кипкәндә, хроник эчәк ялкынсынуы булганда ярдәм итә. Корсак куышлыгыннан газлар китүгә булыша.

*Эчтә спазм булса, укропның яфракларыннан яки орлыкларыннан ясалган төнәтмәне кулланырга була. 1 аш кашыгы туралган яфракка яки орлыклар өстенә 1 стакан кайнар су коялар. 2 сәгать төнәткәннән соң, көнгә 3 тапкыр ашар алдыннан яртышар стакан эчәләр.

*Укроп актив рәвештә үт кудыра, ашказаны согы ясалуны көчәйтә. Төнәтмәсе кан тамырларын киңәйтә, кан басымын төшерә.

*Укроп хатын-кызларның сөт бизенең эшчәнлеген күтәрә. Бала имезүче һәм әни булырга җыенган хатын-кызларга мондый төнәтмә кабул итү файдалы.
1 аш кашыгы укроп орлыгына 1 стакан кайнар су салып 2 сәгать тотарга. Сөзеп, кечкенә йотым белән авыз эчендә бераз тотып, көнгә 2 тапкыр яртышар стакан эчәргә.

Элекке заманда укропны һәм аның орлыкларыннан ясалган төнәтмәне нерв киеренкелеге вакытында тынычландыру чарасы итеп тә, баш авыртуын басу һәм кан тамырларын ныгыту өчен дә кулланганнар.
!Кан басымы түбән булган кешеләргә укропны кулланырга киңәш ителми.
Рубрика: СӘЛАМӘТЛЕК Автор:

Әлеге темага башка язмалар:

Безнең белән туры элемтә
Популяр язмалар
19 Октябрь 2020 11:43 1945
28 Сентябрь 2020 13:16 1497
12 Октябрь 2020 09:36 1345
5 Октябрь 2020 10:16 1301
ӨСКӘ