Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Сару кайнауны ничек бетерергә?

11 Март 2019 809
Сару кайнау ашказаны согы һәм кислотасы тәэсирендә үңәчнең лайлалы тышчасы ялкынсынганда барлыкка килә. Тора-бара җәрәхәт – эрозия хасил була. Ялкынсынган урынның эзе калып, үңәч кысылырга һәм ризык авырлык белән узарга мөмкин. Әлеге җитешсезлектән операция ясатып кына котылырга була.
Сару кайнау сирәк борчый һәм ашагач күзәтелә икән, ул чагында ризык күләмен киметергә кирәк. Әгәр кисәк башланса һәм туклануга бәйле булмаса, кичекмәстән, гастроэнтерологка күренү зарур. Ул сезгә гастроскопия билгеләр һәм диагноз куяр.
Сару кайнауны халык медицинасы чаралары белән дәвалыйлар. Андый вакытта сөт, активлаштырылган күмер, сары мәтрүшкә, бака яфрагы, ромашка төнәтмәләре эчү файдалы. Күпләр сару кайнаганда сода эремәсе эчә. Болай эшләмәү хәерле. Чөнки натрий канга сеңә. Ул чамадан артып киткәндә кан тамырларын зәгыйфьли. Бу – инфаркт белән тәмамланырга мөмкин. Моннан тыш, натрий организмда сыеклыкны тоткарлый, шешенүгә китерә.

Сару кайнау ашказаны-эчәк тракты авырулары билгесе икән, аннан котылу җиңел түгел. Аның өчен иң элек дәвалану мөһим. Андый очракта, гадәттә, табиб антацид һәм альгинатлар билгели. Алар ашказанында тоз кислотасы үңәчкә эләгүдән саклый. Дәвалану нәтиҗәле булсын өчен диета саклау, гәүдә авырлыгын тәртипкә китерү, тәмәке тартмау, спиртлы эчемлекләр кулланмау, биек мендәрдә йоклау, көнлек ризыкны әз-әзләп, көнгә 5-6 мәртәбә ашау, туклангач, 1,5 сәгать дәвамында ятып тормау, иелмәү, йокларга ике сәгать кала ашамау, кысып торган кием кимәү, каеш такмау, пута бәйләмәү, касык мускулларына көч килерлек эш башкармау мөһим.

Сару кайнап интектергән кешеләргә алма, банан, бәрәңге (кыздырылган түгел), брокколи, кишер, кузаклылар, майсыз сыер һәм тавык ите, чиле-пешле йомырка яки тәбә, балык, майсыз сыр, каймак, эремчек, дөге, солы боткасы ашарга киңәш итәләр. Ипине искертеп ашарга кирәк. Чәй, сөтле какао, газсыз су, алма согы эчәргә мөмкин.

Нәрсә ашамаска? Томат, торма, редис, цитруслы җимешләр, кузгалак, башлы суган, туңдырма, сыр яки соуслы макарон, кондитер эшләнмәләре, шоколад, бөтнек, майлы, ысланган, тәмләткечле ризыклар. Шулай ук сөтле коктейль, каһвә, цитрус җимешләр һәм мүк җиләге согы, газлы эчемлекләр, коры шәраб, сыра эчәргә рөхсәт ителми.

Рубрика: ФАЙДАЛЫ КИҢӘШЛӘР Автор:

Әлеге темага башка язмалар:

Безнең белән туры элемтә
Популяр язмалар
29 Август 2019 13:43 1013
28 Август 2019 15:23 723
ӨСКӘ