Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Әнвәр Нургалиев: “Түрәләр белән дуслыгым юк”

9 Январь 2019 830
Популяр җырчы Әнвәр Нургалиев күптән түгел редакциябездә кунакта булып китте. Популяр дигән сүзне җырчы үзе яратмый. “Юк инде, гади җырчы мин, гади”, – ди.
– Һәркемгә елмаеп торасыз? Сез өйдә дә шундыймы?

– Төрле чаклар була инде. Өйдә гел елмаеп булмый. Проблемалар да була. Ә сәхнә елмаюына килгәндә, ничек елмаймаска мөмкин? Заллар тулы, Аллага шөкер. Әгәр елмаям икән, димәк, чын күңелдән.

– Сез сакчыл кешеме?

– Юк. Минем кесәгә акча ничек керә, шулай чыга. Киләчәкне дә уйлыйм. Әмма бүгенге көн белән яшәргә кирәк. Ризыкка, киемгә акча жәлләргә ярамый.

– Үпкәләгән чакларыгыз буламы?

– Була. Әнием дә шундый. Минем әни әтигә үпкәләсә, берәр атна сөй­ләшмичә йөри.

Авыр бит ул...

– Авыр. Мине гаделсезлек үпкәләтә ала.

– Андый чакта нишлисез?

– Түзәм дә онытам.

– Сезне хатын-кызлар аеруча ярата инде. Ирина көнләшми, дисез. Миңа калса, барыбер бардыр көнләшү.

– Мин бөтен хатын-кызны яратам. Шулай дигәч, кеше никтер начарлыкны уйлый. Бер әңгәмәдә шулай дигән идем, “Әнвәр гулять итә”, дип язып чыктылар. Дөрес аңлагыз. Хатын-кызларга чәчкәләргә караган кебек карыйм. Аларны күрсәм, миңа рәхәт. Хатын-кызлар үзеңне ир-ат итеп тотарга стимул бирә. Син матур итеп киенергә, синнән хуш исләр килеп торырга тиеш. Хатын-кыз булмаса, мин ир булмас идем. Алар булмаса, мин җырчы да булмас идем.

– Ә үз хатыныгызны ярату нәрсә белән аерыла?

– Анысы башка ярату, ул мәхәббәт. Ул минем маягым, минем өчен барысы да.

– Хатыныгыз бөтен җырларыгызны да ошатамы?

   *   *   *

Әңгәмәне "Акчарлак" газетасының 2019 елның беренче саныннан укый аласыз.
Рубрика: АНОНС Автор: Румия Сәйфуллина

Әлеге темага башка язмалар:

Безнең белән туры элемтә
Популяр язмалар
21 Июнь 2019 11:49 1136
ӨСКӘ