Безгә 20 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

НУРЗАДӘ: “Мин – дару эчми торган, табибларны интектерә торган кеше”

25 Ноябрь 2020 512
– Нурзадә, син сәламәт кешеме? Авырсаң, табибка барасыңмы?

– Аллага шөкер, үземне сәламәт кеше дип саныйм. Минем бик яхшы, киң профильле табибым бар. Авырган очракта иң беренче аңа шалтыратам. Студент елларында һәркемнең ашказаны бозыла, минеке дә бозылган иде, Энҗе Камиловна дәвалап савыктырды. Кеше авырмый тормый, зурысын бирмәсен Аллаһы Тәгалә. Салкын тиеп ала иде, узган ел ул мине читләтеп узды.

– Үзең генә белгән дәва­лану чарасы бармы? Бе­рәр­сен газета укучыларга да өйрәтә алмыйсыңмы?

– Мин – дару эчми торган, дәвалаучы табиб­ларны интектерә торган кеше. Шик­ләнеп карыйм мин аларга. Әни үз го­мерендә бик күп дару эчте. Ул да­ру­ларның зыяны бик күп бит. Әллә шуны күреп үс­кән­гәме икән... Үләннәр кулланам, биологик өстәмәләр кабул итәм. Минем өчен иң беренче урында халык медицинасы тора.
Җырчыларның, алып баручыларның иң зур дош­маны – кондиционерлар. Узган ел алып барган бер туйдан соң икенче көнгә тавыш бөтенләй бетте. Тавышны кире кайтара алмый ай ярым интектем. Җырларга кирәк, ә мин фонограммага җырлап өйрәнмәгән. Мондый очракта, әгәр дә ашказаның сәламәт булса, минераль су белән дәваланып була. “Ессентуки-17”не аласың. Анысы ярамаса, “Ессентуки-4” тә ярый. Су белән сөт­не бергә бер нис­бә­тендә кайнатып эчәр­гә кирәк. Мин хәзер сөткә кур­кума кушып эчә башладым. Кибетләрдә са­тыла торганын түгел, чын куркума. Миңа аны Төркиядәге дус­ларым биреп җибәрде. Куркума – табигый антибиотик, без аны белмибез генә. Җылы якта яшәүчеләр озын гомерле дип аптырыйбыз. Алар бит шундый тәмләткечләрсез ризык ашамыйлар да. Персик маеның да файдасы бар. Анысын иртә-кич борынга салырга кирәк, тавыш ярыларын йомшарта.

– Әниең коляскада утырса да, яшәү көчен югалтмаган. Син аның кебек көчлеме?

– Миндә дә андый көч бар. Усаллык та бар, әмма оят­сызлык юк. Мин кешегә ышанам. Ышанучан булуым кайчагында үземә зыян да китерә.


***

Язма "Акчарлак" газетасының архив саннарыннан алынды, 5 декабрь 2019 № 48
Рубрика: СӘЛАМӘТЛЕК Автор:

Әлеге темага башка язмалар:

Безнең белән туры элемтә
Популяр язмалар
28 Декабрь 2020 10:47 2905
25 Январь 2021 09:50 816
ӨСКӘ