Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Хәмит Мәткәримов: “Беркайчан да бөек композитор, йолдыз булам дигән омтылыш тумады”

16 Январь 2019 750
Җыр ул бер татлы җиләкме икән соң әллә? Әгәр шулай булса, ул җиләкне без өзеп алып тәмен татып караганчы, аны утыртучысы, яңгыр яудырып торучысы, ашламасын кертеп, эшкәртеп тәрбия кылучылары барлыгын да беләбез. Кем бакчасында пешеп кызаруы да мөһим, әлбәттә. Җырның сүзләре, көе – башлангыч. Башлангычсыз булмый. Шуңа күрә талантлы композиторларга да сорау зур. Чөнки беләләр – менә аның җиләге татлы булачак. Чүпләп кенә торалар.
– Балачактан ук татар сәнгатенә тартылдыңмы?

– Әти – Үзбәкстаннан, әнием – саф татар, Алексеевск районыннан. 5 сыйныфка кадәр Үзбәкстанда укыдым. Аннары 1991 елда Татарстанга кайттык. Татар мәктәбендә уку, татар телен үзләштерү башта кыен булды. Хәтерлим, “Малыш” исемле кечкенә генә баян алып бирделәр. Шуны шыңгырдатып уйнарга өйрәндем. Аннары җырлый башладым.

– Әлмәткә ничек килеп чыктың?

– Нефть башкаласы бит. Ул вакытта Әлмәткә күченү популяр иде.

– Читтән кайтканнарны бик яратып бетермәскә дә мөмкиннәр. Авырлыклар булмадымы? Аяк чалырга, начарлык теләргә омтылучылар...

– Бернинди көндәшлек тоймыйм. Чөнки бөек композитор, йолдыз җырчы булам дигән омтылышым юк. Беркайчан булмады да. Миңа үз эшем рәхәтлек бирә. Әйтәсе килгән сүзләремне кемгәдер җиткезә алам икән, шул җитә. Әйтик, Габделфәт абый Сафинга тапшырылган “Бөек татар” җырына килгәндә, ул, тел проблемасы чыккан вакыттан файдаланып, тиз генә шул темага язарга кирәк дигән ният белән иҗат ителмәде. Бу – күңел халәте, борчылу, йөрәктән сыкрап чыккан җан авазы иде. Мин үз сүземне әйтә алганыма бик шат – бары шул гына.

– Габделфәт Сафин белән иҗатыгыз ничек бәйләнде?

– Җыр язылды да уйлап утырам: кем моны җиренә җиткереп, үтемле итеп башкарып чыга алыр икән, дим. Милли рухта, ватанпәрвәр рухта килеп чыкты бит җыр. Габделфәт абыйның иҗатын күптәннән хөрмәт итә идем. Образы, сәхнәдәге тотышы, тамашачылар белән элемтәсе үзгә. Татар халкына карата зур мәхәббәт һәрвакыт сизелә. Тыңлап карады да җырларга теләк белдерде. Моның өчен аңа бик зур рәхмәт. Аннары аның өчен икенче җыр – “Бу, димәк, мәхәббәт” җыры язылды. Үзенең концерт программасына яңа “Исән генә булыйк” дигән җырымны кертте. Иҗатлар бәйләнер дип һич тә уйламаган идем. Бигрәк тә үз концертларында чыгыш ясарга мөмкинлек бирүе – минем өчен көтелмәгән бүләк.

– Сине хәзерге вакытта нәрсә борчый?

* * *
Әңгәмәне тулысынча "Акчарлак" газетасының 2019 елгы 2 нче саныннан укы аласыз.

Әлеге темага башка язмалар:

Безнең белән туры элемтә
Популяр язмалар
29 Август 2019 13:43 907
ӨСКӘ