Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Гошер атнасы тәмам!

8 Октябрь 2015 1696
Газета битләрендә “Акчарлак”та гошер атнасы дигән акция игълан иткәннән соң, редакциябезгә гошер китерү­че­ләр булды. Дөрес, әлегә без мондый эшләрдән ераграк торабыз, шуңа күрә изге гамәлгә кушылучылар саны бармак белән генә санарлык булды. Хәләл көчләре белән үзләре үстергән яшелчәдән өлеш чыгарган өчен Казаннан Зөлфирә Абдуллина, Гөлшат Хәйруллина, Камилә Нәфыйкова, Гөлнара һәм Илфат Габдрахмановлар, Надия һәм Роберт Гариповлар гаиләләренә рәхмәтебез чиксез.

1 октябрь көнне җыелган уңышны һәм үзебезнең күчтәнәчләрне Пасечная урамында урнашкан “Гармония” картлар резиденциясенә, Әхмәтһади Максуди исемен­дәге мәгърифәт үзәгенә, “Ярдәм” мәчетенә, Дәрвишләр бистәсендә урнашкан балалар йортына тапшырып кайттык.

Бүләкләргә картлар һәм балаларның ничек сөенүләрен сүз белән генә аңлатып та булмый. Әлеге күркәм чарада катнашкан һәр кешегә Аллаһының рәхмәте яусын!
Рубрика: БЕЗНЕҢ ЯҢАЛЫКЛАР Автор:

Әлеге темага башка язмалар:

Безнең белән туры элемтә
Популяр язмалар
24 Июль 2019 15:24 1115
26 Июль 2019 16:42 965
ӨСКӘ