Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Галәм көче белән дәвалаучы Гөлдәминә Һадиева

11 Январь 2019 5879
Замана медицинасы көчле дисәк тә, никтер күп кенә чирләр дәваланмый кала хәзер. Чарасызлыктан, авыртуга чыдый алмыйча кеше кая гына бармый, төрле дәвалаучыларның ишеген шакый. Күптән түгел Актанышта яшәүче Гөлдәминә ханым Һадиева белән таныштым. Ул – космоэнергет, 12 елдан артык кешеләрне Галәм көче белән дәвалый икән.
– Гөлдәминә ханым, әлеге дәвалау алымы турында тулырак аңлатып китегез әле.

– Космоэнергетика бүгенге көндә яңача дәвалау алымы булып тора. Дәвалау фәндә расланган нурлар – каналлар ярдәмендә башкарыла. Нур кешенең энергетик кырына тәэсир итеп, аны чистарта, кирәкмәгән авыру информациядән арындыра. Чөнки чирләр иң башта “энерготело” – энергетик кабык-тышчада формалаша. Төп энергетик тышчалар: эфир, менталь һәм астраль тышчалар. Эфир тышча физик тәннән 2-3 мәртәбә көчлерәк. Анда кешенең ясаган адымнары, кылган гамәлләре турында мәгълүмат туплана. Астраль тышчада хис-кичерешләр, теләкләр белән бәйле мәгълүмат, ә менталендә кешенең нинди уйлар белән яшәве, фикерләве турында мәгълүмат туплана. Дәвалау тулысынча нурлар белән башкарыла hәм сеансларга су куела. Су төрле чыганаклардан алынырга мөмкин: краннан, коедан, чишмәдән, h.б. Энергия тәэсире нәтиҗәсендә су авыру кешегә кирәкле корылмалар белән корыла, баетыла. Суның исе, тәме яхшы якка үзгәрә. Су дәвалануны җиңеләйтә, авыртуларны баса, экзема, диабет авыруы нәтиҗәсендә барлыкка килгән җәрәхәтләрне, яраларны төзәтә. Салкын тигәндә тамакны чайкату, борынга тамызу яхшы нәтиҗәләр бирә. Күзгә салганда исә, коньюктивитны дәвалый, күз күремен яхшырта, глаукомадан котылырга булыша.

– Үзегездә кайчан мондый дәвалау сәлә­те барлыгын тойдыгыз?

– Һәр кешенең проблемалары була. Врачлар йөрәгемдә чир юк дисәләр дә, хәлем булмады, аяк атлавы авыр иде. Менә шул авыру мине икенче бер дәвалаучы, космоэнергет каршына китерде дә инде. Шул методиканың миңа ярдәме тигәнен аңлагач, укытучымның юлын дәвам итәргә булдым. Дәваланып йөргәндә үземдә көч һәм мәгълүмат сизә башладым. Космоэнергетикада мин үземне таптым. Иң беренче дәвалаган кешеләрем, әлбәттә – туганнар.

– Сез дәвалый башлагач якыннарыгыз моңа ничек карады?

* * *
– Сез күрәзәчедәме?

– Минем аны күрәзәчелек дип атыйсыйм килми. Күрәзәче ул кешегә аның чирен, югалган әйберен әйтә. Мин дә әйтә алам, ләкин әйтмим, мин дәвалыйм. Кешенең тәкъдирен Аллаһ кына белә. Киләчәкне әйтү – ул кешене үзеңә бәйләп кую. Кеше аннан шулай булачак дип көтә башлый. Аллаһы Тәгаләнең рәхмәте киң. Кеше дога кыла икән, аның белән бәла-казалар булмаска да мөмкин.

– Сез дәвалаган кешеләр сезнең энергияне алып китәме?

– Юк. Мин космоэнергет-оператор булам. Кешеләр белән каналлар эшли, мин бары шуларны ачам гына. Алар 1 сәгать эшлиләр дә, мин каналны ябам. Кеше күпме дәрәҗәдә чиреннән арынырга тели һәм моңа ышана, каналлар шулай тизрәк аларны дәвалый.

– Кешегә дәвалау сеанслары ничек билгеләнә?

* * *

Әңгәмәне тулысынча "Акчарлак" газетасының 2019 елгы беренче саныннан укырга була.
Рубрика: АНОНС Автор: Румия Сәйфуллина

Әлеге темага башка язмалар:

Безнең белән туры элемтә
Популяр язмалар
30 Апрель 2019 15:24 1469
ӨСКӘ