СӘЛАМӘТЛЕК

Журналист Эльза Газизова. Исемен ишетүгә биек үкчәле, “блондинка” чәчле “скандальный” журналист килеп баса. Ул татар шоу-бизнес дөньясында йөзүче бер балык сыман. Акула дияр идем, үпкәләве бар. Бик чая, гадел, тырыш. Журналистик эшчәнлеген “Юлдаш” газетасыннан башлап җибәрә. Шоу-бизнес, авыл тормышы, яшьләр темаларына яза. Берникадәр вакыт Татарстан Республикасының “Intertat.ru” электрон газетасында да хезмәттәшлек итте. Бүгенге көндә “Акчарлак” сайты  редакторы вазыйфаларын башкара. Шулай ук журналист эшчәнлеген дә онытмый. 
Журналистның язу стиленә килгәндә, гади халык телендә һәм бер сулышта укып чыгарлык итеп яза. Язма герое белән ике арада булган атмосфераны, җылы мөнәсәбәтне укучыларга тапшыру өчен интервью жанрына өстенлек бирә. Интервью алган һәр кешесе белән фотога төшү гадәте бар.