ӘҢГӘМӘ

Энҗе Басыйрова – “Акчарлак” нәшрият йортында иң озак эшләүчеләрнең берсе. Шуңа да карамастан, “мин” дип чәчрәп торырга яратмый, күләгәдә калырга тырыша. Бәлки бу аның тыйнаклыгыннан да киләдер. Хәер, үзе ул әлеге сыйфаты эштә дә, тормышта да кайчак аяк чала дип саный. Энҗе соңгы арада күбрәк дин һәм сәламәтлек темаларына яза. Аның мөхәррирлегендә шәригать кануннарына багышланган берничә китап та дөнья күрде һәм, әйтергә кирәк, укучылар аларны җылы кабул итте.
Энҗе редакциябезнең “шәфкать туташы” да әле. Чөнки арабызда авырулар, шифалы үләннәр, халык чаралары турында аннан да күбрәк белүче юк. Ул исә ничә ел инде сәламәтлек турында “Ашыгыч ярдәм” газетасы мөхәррире вазыйфасын үти.