Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Пешкән урынга нәрсә куярга?

16 Июнь 2017 848
Утка яки кайнар суга пешсәгез, хафага бирелергә ашыкмагыз. Авыртуны басу, кабарчыкларны булдырмау өчен кул астындагы гади чаралар ярдәм итә.
1. Бәрәңге. Аны кабыгы белән угычтан уып, зарарланган урынга куегыз. 10-15 минут саен алыштырып торырга кирәк. Бәрәңге зур булмаган пешү урынын төзәтә, яралар калдырмый.

2. Йомырка агы. Чәнечке белән бутагыз да пешкән урынга ябыгыз. Баштарак ул тәнне яндыра, 1-2 минуттан авырту басыла. Йомырка агы кабарчыклар булдырмый.

3. Он. Кайнар суга пешкән урынга он сипсәгез, авырту мизгел эчендә бетә. Ә кабарчыклар калмасын өчен, онны куе итеп сибәргә кирәк.

4. Кер сабыны. Пешкән урынны тиз арада юеш сабын белән ышкысагыз, авырту һәм кызару секунд эчендә югала.

5. Кызыл чөгендер. Аны ярага вак угычтан уып, ботка хәлендә ябалар.

6. Кабак. Аны бигрәк тә балалар пешкәндә кулланалар. Ул тиз арада авыртуны баса һәм тирене суыта.

7. Алоэ. Яфрагын кисеп алып, икегә ярып, ярага куегыз. Кич дәвамында 3-4 тапкыр алыштырыгыз, ә төнгә исә эластик бинт белән бәйләп ятыгыз. Иртән кайсы урын пешкәнен онытырсыз.

8. Бал. Пешкән урынга бал сөртсәгез дә, кызару һәм кабарчыклар булмый.
Рубрика: СӘЛАМӘТЛЕК Автор:

Әлеге темага башка язмалар:

Безнең белән туры элемтә
Популяр язмалар
19 Июнь 2018 12:02 2126
21 Июнь 2018 16:14 1552
ӨСКӘ