Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Әфлисун тутырылган үрдәк

29 Декабрь 2017 579
Кирәк: үрдәк, 3 әфлисун, 2-4 сельдерей, 1 лимон, 1 аш кашыгы зәйтүн мае, 2 аш кашыгы баллы шәраб, 2 аш кашыгы бал, тәменчә тоз, борыч һәм тәмләткечләр (шалфей, “Прованские травы”).

Эш тәртибе: олы табакта 1 лимон һәм 1 әфлисунның согына чеметеп генә тоз, бераз борыч, тәмләткеч, 1 аш кашыгы зәйтүн мае салып, яхшылап болгатабыз. Әзер булгач, әлеге маринадка үрдәкне салып, 3-5 сәгатькә суыткычка куябыз. Озаграк торса, яхшырак. 1 әфлисунны 4 өлешкә бүләбез. Маринадланган үрдәкне суыткычтан алып, “рукав”ка салабыз да эченә сельдерей һәм бүлгәләнгән әфлисунны тутырабыз. Аннан 190 °Слы духовкада 2 сәгать пешерәбез. Ул пешкән арада глазурь ясый торабыз. Глазурь өчен 1 әфлисун согын 2 аш кашыгы шәраб һәм 2 аш кашыгы бал белән болгатабыз да, кечкенә кәстрүлгә салып, утка куябыз. Кайнап чыккач, сироп барлыкка килгәнче утта тотабыз. Үрдәк пешеп чыккач, эчендәге әфлисун белән сельдерейны алып, өстенә әзерләгән сиропны сибәбез.

Әлеге темага башка язмалар:

Безнең белән туры элемтә
Популяр язмалар
ӨСКӘ