Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Фәнил Вакказов: "Бу дөньяда иң курыккан әйберем - үземне эре тоту"

4 Декабрь 2017 564
“Мәйдан” каналын карарга, туй-концертларга йөрергә яратучыларга алып баручы Фәнил Вакказов исеме яхшы таныш. Әңгәмәгә әзерләнер алдыннан аны якыннан белгән бер танышымнан: “Фәнил турында бер-ике сүз әйт әле”, – дип сорадым. “Үзен эре тота”, дип җавап бирде. Бу сүзләр белән үзе килешә микән?
– Үзем турында ишетергә теләмәгән иң куркыныч сүзне әйттегез. Бу дөньяда иң курыккан әйберем – үземне эре тоту. Моны ихлас күңелемнән әйтәм. Бу сүзләр белән килешмим, димәк, бу кеше мине бик яхшы белми. Ләкин мәсьәләнең икенче ягы да бар. Күп очракта кешеләр аңлы йә аңсыз рәвештә кемнедер үзләре эреләтә: "Ул хәзер әллә кем булды", "йолдыз", "телевизордан сөйли", "безне күрми ул хәзер" дигәнрәк уйлар белән үзләре һәм башка кеше арасында койма коралар. Ә мин һаман шул ук гади Мәртен егете Фәнил булып кала бирәм. Яшәлгән еллар тормышымны үзгәртте, ләкин кеше буларак мине үзгәртмәде.

– Нинди тискәре сыйфатларың бар?

– Ялкаулык белән аяусыз көрәш алып барам. Кайвакыт җиңеп тә куям, җиңелгән очраклар да җитәрлек. Кызганыч, соңгы елларда тыйнаклык белән көрәшергә туры килә. Чөнки бу кыргый капитализм чорында тыйнаклык кешенең кимчелеге итеп кабул ителә башлады. Бигрәк тә эстрада һәм күңел ачу өлкәсендә. Безне "тыйнаклык кешене бизи" дип тәрбияләделәр һәм мин әле дә бу шулайдыр дигән өмет белән яшим.

Әңгәмәне тулысынча 7 декабрьдә чыгачак, "Акчарлак" газетасының 48 нче саныннан укый аласыз.
Рубрика: АНОНС Автор: Нәзилә Хуҗина

Әлеге темага башка язмалар:

Безнең белән туры элемтә
Популяр язмалар
24 Ноябрь 2017 10:51 2961
ӨСКӘ