Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Дисбе тарту дәвалый

27 Август 2018 807
"Ашыгыч ярдәм" газетасыннан
   Психологлар тынычлану өчен дисбе тартырга тәкъдим итә.

   Мәсәлән, стресс вакытында, җепкә сәйлән бөртекләре тезеп, шуны уч төбеннән шудырырга кирәк. Чөнки бу урында нерв системасының эшчәнлеге өчен җавап бирүче нокталар урнашкан. Хәтта кулда шар әвәләү дә тынычланып фикер тупларга һәм киеренкелектән арынырга булыша.

    Күнегүләр ясаганда дисбегә карарга ярамый. Кулның халәтенә игътибар бирергә кирәк. Дисбене ничек тарту әһәмияткә ия. Ул йөрәк тибешенә һәм сулышка йогынты ясый. Белеп тартканда, эчке органнарның эшчәнлеген яхшырта. Дисбе бармаклар өчен дә алыштыргысыз күнекмә чарасы булып санала. Ул артрит, артроз вакытында файдалы.

   Тәмәке тартуны ташларга теләгән кешеләргә дә дисбе тартырга тәкъдим итәләр.

   Компьютерда күп эшләгән кешеләргә, музыкантларга (бигрәк тә скрипкачыларга һәм пианистларга) кулдагы буын һәм мускулларны ныгыту, хәрәкәт активлыгын арттыру өчен дисбе тартудан тыш, дисбе ярдәмендә бармаклардан беләккә кадәр массаж ясарга киңәш ителә.

   Хәтерне яхшыртырга теләгәндә, чит телдәге сүзләр яки шигырь ятларга һәм шул ук вакытта дисбе тартырга мөмкин.

   Баш авыртканда, дару эчкәнче, дисбе ярдә­мендә бармак очларына һәм сөягенә массаж ясыйлар.

   Томаулаганда дисбене бармак очлары белән тарталар.
Рубрика: ФАЙДАЛЫ КИҢӘШЛӘР Автор:

Әлеге темага башка язмалар:

Безнең белән туры элемтә
Популяр язмалар
24 Октябрь 2018 19:37 1654
15 Октябрь 2018 17:54 1484
23 Октябрь 2018 10:14 1402
31 Октябрь 2018 11:56 1357
ӨСКӘ