Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Бакча җиләген кайчан утыртырга?

12 Июль 2017 569
Җәйнең икенче яртысы (август уртасына кадәр) – бакча җиләге утырту өчен иң кулай вакыт. Бу вакытта ул яфракларын үстерергә дә, тамырын ныгытырга да өлгерә. Җиләк якты, кояшлы урынны ярата. Аны агач арасына, күләгәгә утыртырга тырышмагыз.

Җиләк плантациясенә ашламаны мөмкин кадәр тирәнрәк кертәләр. Утырту өчен чокырчыкларны 20 см диаметрда, 25-30 см тирәнлектә ясыйлар. Аның 3/4 өлешенә черемә салалар. Тәҗрибәле җиләкчеләр черемәгә суперфосфат һәм агач көле кушарга тәкъдим итә. Бер чиләк черемәгә 30 гр суперфосфат, ярты стакан көл.

Шуннан соң чокырны туфрак белән каплап, су сибегез. Су туфракка сеңеп беткәч, тагын әзрәк туфрак өстәп, үсемлекләрне утыртыгыз.

Җиләкне болытлы көндә яки кичке якта утырталар. Дым саклау өчен рәт араларын черемә яки пычкы чүбе белән мүлчәләгез.
Рубрика: ФАЙДАЛЫ КИҢӘШЛӘР Автор:

Әлеге темага башка язмалар:

Безнең белән туры элемтә
интерактив конкурс

"Укытучым булдыра!"

Популяр язмалар
ӨСКӘ