Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

Айсылу Габдинова Ольга Бузованың "Мало половин" җырын татарчалаштырган

20 Февраль 2018 1587
Җырчы Айсылу Габдинова Ольга Бузованың “Мало половин” җырын татарчалаштырган. Җырның татарча исеме – “Бала мин” дип атала.
Кайчандыр Айсылу “Ленинград” төркеменең “Лабутены” җырын татарча “Алабута” дип җырлап күпмедер дәрәҗәдә танылган иде.

– Бервакыт Айбикә (Айбикә Фәттахова – продюсер Рифат Фәттаховның кызы – ред.) янында Бузовага пародия ясап җырлап тора идем, “Ой, синең бу җыр бик шәп килеп чыга бит! Нәкъ Бузовага охшатып җырлыйсың. Бу җырны татарча башкарырга кирәк”, диде. Шуннан соң җырны тәрҗемә итүен сорап, Данил Сәфәровка мөрәҗәгать иттек, – дип сөйләде Айсылу.

“Алабута”ны да, хәзерге “Бала мин” җырын да “Матбугат.ру” хуҗасы Данил Сәфәров тәрҗемә иткән.

– Ни өчен син рус җырларын тәрҗемә итеп җырлыйсың?

– Чөнки халыкка андый җырлар кызык. Яшьләргә бигрәк тә. Минем уйлавымча, бүгенге шоу-бизнес ул мәдәният белән генә шөгыльләнү түгел, ә кызыклы җырлар иҗат итеп, халыкта кызыксыну уяту. “Лабутены” – Алабута җырына килгәндә, миңа ул җырны тәкъдим иткәч, мин алынырга теләмәгән идем. Ничек инде мин – җитди җырлар, операдан арияләр башкарган кеше ниндидер алабута турында җырлыйм?! Ләкин продюсерым Илфак абый Шиһапов “Җырла”, диде һәм ул бик дөрес әйткән. Мин күпме җырлар җырладым, ә ялгыш кына бер чүп үләне турында җырлаган идем: “Ой, Айсылу, син шундый матур җырлыйсың”, дип сөйли башладылар. Халык мине шул җыр белән таныды дисәм дә була. Берничә ел элек миңа: “Сине таныткан җыр – “Алабута” була”, дисәләр, мин ул кешегә бер яхшы әйбер дә әйтмәс идем дип уйлыйм.

Рубрика: ШОУ-БИЗНЕС Автор:

Әлеге темага башка язмалар:

Безнең белән туры элемтә
Популяр язмалар
19 Июнь 2018 12:02 2139
21 Июнь 2018 16:14 1574
ӨСКӘ