Безгә 15 яшь
Россия буенча милли басмалар арасында иң зур тиражлы газета
Тираж — 35 000 экз.
“Бәллүр
каләм – 2013”тә
“Медиапроект” номинациясе
Язмалар исемлегенә күчү

50 яшьлекләрне эшкә алалармы?

24 Октябрь 2018 751
Татарстанда кемнәрне эшкә колач җәеп көтә­ләр: 30 яшьлек ир-ат­нымы, әллә пенсия алды яшендәге абзыйнымы? Ирләргә өстенлек би­рә­ләрме, хатын-кызгамы?
Сораштырулар күр­сәт­кәнчә, пенсия яшен­дәгеләр бүген эш урыннары өчен калтырап яши. Бүген-иртәгә кумаслармы, урындыкны бушатырга кушмаслармы, дип торалар.

Олы яшьтә эш эзләүчеләрнең күбесе – хатын-кызлар, алар пенсионер ирләргә караганда 1,7 тапкыр күбрәк эш эзли. Моның нәрсә белән бәйле икәнен тәгаен әйтүче юк: әллә хатын-кызларның ул яшьтә энергияләре күбрәк, әллә бала һәм оныкларына ярдәм итәселәре килә, әллә ирләр пенсиягә чыкмас борын үлеп бетә шунда...

Хәер, тикшерүчеләр хатын-кызларның бу активлыгы озакка бармый дип ышандыра. Тагын бераз эшләп, 63 яшьләре тулу белән, аларның хезмәт базарындагы активлыгы 9 (!) тапкыр кими икән. Дөрес, олы яшьтә дә рәхәтләнеп музыка язучы композиторлар, шәп рәссамнар, яхшы архитекторлар бар. Әмма болар күпчелек профессия түгел шул.

Карт укытучылар, гадәттә, замана таләп иткән зур йөкләмәгә чыдый алмый, 70не узган хирургка да иң җаваплы урынны ышанып тапшырмыйлар. Кызганыч, ләкин пенсионер хезмәткәрләрнең гомуми картинасы бүген бер дә сөендерерлек түгел...

Шулай да, пенсия алды яшендә­геләргә эш эзләргә туры килсә, киңәшләребезне "Акчарлак" газетасының 42нче саныннан укый аласыз!
Рубрика: АНОНС Автор: Диләрә АЛМАЗОВА

Әлеге темага башка язмалар:

Безнең белән туры элемтә
Популяр язмалар
24 Декабрь 2018 18:15 2763
24 Декабрь 2018 19:21 1922
24 Декабрь 2018 20:14 1869
16 Январь 2019 18:34 1633
ӨСКӘ